Një aksident i rëndë ka ndodhur mëngjesin e sotëm, më 20 Dhjetor, në aksin rrugor Gjirokastër-Tepelenë, pranë “Urës së Kardhiqit”.

Sipas njoftimit të Policisë, rreth orës 05:10, një automjet i drejtuar nga shtetasi Q.N., 62 vjeç, banues në Gjirokastër, ka dalë nga rruga pas humbjes së kontrollit nga drejtuesi. Si pasojë e aksidentit, Q.N. ka humbur jetën në vendngjarje.

Grupi hetimor ndodhet në vendin e ngjarjes dhe po punon për të përcaktuar shkaqet dhe rrethanat e këtij aksidenti tragjik.

Autoritetet bëjnë thirrje për kujdes të shtuar gjatë drejtimit të automjeteve, veçanërisht në kushtet e motit dhe në akset rrugore të rrezikshme.