Një aksident i rëndë ka ndodhur në orët e para të mëngjesit në Shkodër, si pasojë e të cilit kanë humbur jetën dy persona, një 23-vjeçar dhe një 16-vjeçare.

Ngjarja e rëndë është shënuar rreth orës 02:45, teksa ata udhëtonin me një shpejtësi tepër të madhe me një makinë tip “BMW”. Si pasojë mjeti  ka dalë nga rruga duke u përplasur me një mur.

Për pasojë kanë humbur jetën 23-vjeçari Amarildo  Preka dhe 16-vjeçarja Driona Pirani.

Njoftimi i policisë

Shkodër- Me datë 31.07.2021 rreth orës 02:45, në vendin e quajtur ‘’Mbi sukë’’, në rrugën Shkodër-Velipojë, si rezultat i shpejtesisë në kthesë, një mjet tip BMW, ka dalë nga rruga duke u përplasur me një mur dhe si pasojë kanë humbur jetën, drejtuesi i mjetit, shtetasit A. P. 23 vjeç banues në fshatin Mali Jushit, Shkodër dhe pasagjerja shtetasja D. T. 16 vjeçe banuese në lagjen Perash, Shkodër

Grupi hetimor nën drejtimin e Prokurorisë po vijon punën për sqarimin e plotë të rrethanave të aksidentit