Një aksident i rëndë rrugor është regjistruar rreth orës 19:30 në aksin “Bajram Curri – Qafë Morinë”, në vendin e quajtur Kasaj, në Tropojë.

Sipas informacioneve paraprake, automjeti i drejtuar nga shtetasi I. K., 34 vjeç, banues në Tropojë, i cili udhëtonte së bashku me shtetasin R. D., 38 vjeç, ka humbur kontrollin dhe për pasojë ka dalë nga rruga.

Si pasojë e përplasjes, drejtuesi i automjetit ka ndërruar jetë në vend, ndërsa pasagjeri ndodhet në gjendje të rëndë shëndetësore dhe po merr ndihmë mjekësore.

Grupi hetimor ka mbërritur në vendngjarje dhe po punon për zbardhjen e plotë të rrethanave dhe shkaqeve të aksidentit.