Një aksident zinxhir ka ndodhur sot në autostradën Lushnje-Vlorë, pranë kthesës së Pojanit, ku janë përfshirë shtatë automjete, mes tyre edhe një taksi.

Si pasojë e përplasjes, tre persona kanë mbetur të plagosur dhe janë transportuar në Spitalin Rajonal të Fierit për ndihmë mjekësore. Gjendja e tyre ende nuk është bërë e ditur.

Sipas informacioneve paraprake, dyshohet se shkaku i aksidentit ka qenë shpejtësia e lartë dhe lagështira në rrugë, për shkak të reshjeve të dendura të shiut.

Policia ka mbërritur në vendngjarje dhe po punon për zbardhjen e plotë të shkaqeve të aksidentit. Ndërkohë, trafiku në zonë ka qenë i rënduar për disa minuta, ndërsa forcat e rendit kanë marrë masa për normalizimin e lëvizjes.