Një ngjarje e rëndë ka ndodhur në qendrën tregtare ‘Toptani’ në Tiranë, ku një vajzë 4-vjeçare ka rënë aksidentalisht nga hapësira e shkallëve elektrike. Aksidenti ndodhi më datë 01.09.2024, rreth orës 11:15, në rrugën “Murat Toptani”.

Vajza ka rënë nga kati i tretë në katin e parë në mes të hapësirës së shkallëve elektrike dhe ka mbetur e plagosur.
Ajo është dërguar në spitalin e Traumës, ku është vendosur në reanimacion për shkak të dëmtimeve në kokë dhe frakturave në trup.
Aktualisht, gjendja e saj është e stabilizuar.

Në momentin e aksidentit, prindërit e vajzës ndodheshin në një dyqan të qendrës tregtare.
Policia ka njoftuar se dyshohet se rrëzimi ka ndodhur aksidentalisht në hapësirën midis shkallëve elektrike.

Policia dhe ekipet e emergjencës janë angazhuar për të hetuar shkaqet e aksidentit dhe për të siguruar që të gjithë faktorët të merren në shqyrtim për të parandaluar ngjarje të ngjashme në të ardhmen.