Një shtetas italian është vënë në pranga në kuadër të një operacioni të zhvilluar nga SPAK kundër një call center-i të dyshuar për mashtrime financiare, që ushtronte aktivitetin në një nga kullat e Tiranës.

I ndaluari është identifikuar si Cosimo Notaristefano. Sipas burimeve zyrtare, ai dyshohet të jetë i përfshirë në aktivitetin e paligjshëm që kishte si qëllim mashtrimin e shtetasve të huaj përmes skemave financiare.

Ndërkohë, Gjykata e Posaçme kundër Korrupsionit dhe Krimit të Organizuar (GJKKO) ka caktuar masën e sigurisë “arrest me burg” për gjashtë persona të përfshirë në këtë aktivitet të dyshuar kriminal.

Hetimet vijojnë për të zbardhur plotësisht rolet e secilit të dyshuar dhe për të identifikuar persona të tjerë që mund të jenë përfshirë në skemën e mashtrimit financiar.