Autoritetet në Kosovë kanë marrë në pyetje disa zyrtarë të Agjencisë së Regjistrimit të Bizneseve (ARBK) të mërkurën, përfshirë ushtruesen e detyrës së kryeshefes, Igballe Rexha-Jashari, si pjesë e një hetimi për dyshime mbi keqpërdorim të detyrës zyrtare dhe falsifikim dokumentesh.

Zëdhënësja e Prokurorisë Themelore në Prishtinë, Kaltrina Shala, bëri të ditur se aksioni po vazhdon dhe se prokurori do të ndërmarrë të gjitha veprimet ligjore në lidhje me rastin, pa dhënë hollësi shtesë mbi funksionet e zyrtarëve të tjerë të përfshirë.

ARBK-ja është institucioni kryesor për regjistrimin dhe administrimin e bizneseve në Kosovë dhe vepron nën Ministrinë e Industrisë, Ndërmarrësisë dhe Tregtisë.