Aktori Matthew Perry është gjetur i vdekur në shtëpinë e tij në Llos Angjelles në fundjavën e kaluar, në moshën 54-vjeçare. Shkaku i vdekjes së tij nuk është konfirmuar ende, pasi autoritetet janë ende në pritje të rezultateve të testeve të toksikologjisë.
Mediat amerikane kanë raportuar se Perry është varrosur në një ceremoni private në Los Angeles, në një ngjarje ku kanë marrë pjesë pesë aktorët e serialit Friends, në të cilin ka luajtur edhe vetë Perry.
Ceremonia e varrimit raportohet të ketë zgjatur dy orë.
Varrezën ku ai është varrosur është vendi i pushimit për shumë personalitete të njohura, duke përfshirë Carrie Fisher, Paul Walker dhe Stan Laurel. Perry ka ndërruar jetë një vit pas publikimit të librit të tij, ku ka ndarë me publikun përvojën e tij me problemet e varësisë ndaj ilaçeve dhe alkoolit.
Në ditën e varrimit të tij, është themeluar një fondacion i ri në emër të Perryt, me qëllim që të ndihmojë ata që ballafaqohen me varësi.