Aktori i humorit, Albano Bogdo, ka komentuar së fundmi një deklaratë të bujshme që kishte bërë disa vite më parë, ku ironizonte largimin nga muzika të Alban Ramosajt dhe lidhjen e tij me këngëtaren Beatrix Ramosaj.
Në atë kohë, Bogdo e kishte përshkruar Alban Ramosajn në një mënyrë provokative, duke e lidhur atë me një episod nga Big Brother, ku Beatrix kishte pasur një lidhje me aktorin Donald Veshaj. Ky koment kishte shkaktuar reagime të shumta dhe të forta, sidomos në një periudhë të ndjeshme për të dy vëllezërit Ramosaj, që përballeshin me sfida personale dhe profesionale.
“Atëherë thash isha njeriu më i urryer në Ballkan sepse rastisi që në të njëjtën ditë që unë thash batutën, ai serbi bëri atë masakrën në Kosovë.
Nuk po merrej askush me atë, po merreshin me mua. Ishte i ekzagjeruar reagimi. Erdhi nga njerëz që s’kanë asnjë lloj…
Nuk është se çfarë the, është që e the në një moment që ata po kalonin aq shumë në jetë, dhe i preku aq shumë. Mua kjo më intereson, sa është prekur Albani dhe Beatriks.
Nuk kam komunikuar, por i kam kërkuar falje Beatriksës. I kam kërkuar ndjesë nga ana njerëzorë. Po të kisha mundësi të komunikoja nuk do t’i thoja në emision.
E kam kërkuar numrin e saj disa herë, por nuk ma dhanë. Mora vesh që ata po kalonin një periudhë të vështirë në jetën e tyre dhe vendosën të largoheshin nga Shqipëria.
Albani po jepte dorëheqje nga muzika shqiptare, të dy, dhe për të ikur më pas për një jetë më të mirë në Amerikë”, është shprehur Albano Bogdo
