Kreu i Grupit Parlamentar të PD Enkelejd Alibeaj ka folur për gazetarët në hyrje të Kuvendit.

Ai u shpreh se presidenti i ri nuk duhet të jetë nën influencën e deputetëve non grata ndërsa la të hapur mundësinë për tu ulur me PS për negociata për kreun e ri të shtetit.

Kur u pyet nga gazetarët se cili do të jetë posti i tij pas 30 Prillit, Alibeaj tha se është në pritje të vendimit të gjykatës.

Alibeaj: Unë besoj që ajo se cfarë shqiptarët do të duan, një profil politk të mos ketë influecën e non gratave, janë 4 deputetë të etiketuar non grata që nuk kanë të drejtë morale për të votuar për presidentin.

Interes publik, duhet të jetë një president i paafektuar nga non gratat.

Të zgjidhet një profil politik, jo hermafrodik, sic kerkon Rama, të mos jetë përballur me teste apo apo sprova.

Duhet të jetë një njeri i ekuilibrave.

Unë besoj që është e rëdnësishme që procesi të jetë serioz, të mos ngutemi. Duhet ta bëjë në mënyrë gjithë përfshirës, transparent, duke pasur këto synime të moralshme, hyjnore për të zgjedhur të parin e vendit. Të jetë presidenti i të gjithëve dhe jo palëve politike.

Pyetje: Jeni gati të uleni për presidentin. Në mbledhje do konsultoheni? Apo do ketë votime?

Kjo është për t’u parë, është detyrim dhe në bazë të asaj që kërkohet do të procedohet.

Pyetje: Nga e shtuna e tutje, si do e mblidhni grupin?

Është e qartë për këdo sot, që ka një statut të PD-së, ka këshill kombëtar, që ka qenë gjithë ditën dhe do të vazhdojnë të jenë. Çështja është në Gjykatë, të presim gjykatën.

Unë nuk nxitoj, nuk kam pse të nxitoj, ngutjen e shoh nga mazhoranca, e keni parë apo jo. Që thonë se po nuk erdhët ju, do ta bëjmë vetë, testi i të gjithëve sot është që të zgjedhin një president për shqiptarët.