Ambasadori amerikan në Serbi, Christopher Hill, ka theksuar të enjten se Marrëveshja e Ohrit nuk synon njohjen, por normalizimin e marrëdhënieve mes Kosovës dhe Serbisë.

Marrëveshja e Ohrit, e arritur vitin e kaluar, parasheh njohjen e simboleve shtetërore të Kosovës nga Serbia, moskundërshtimin e anëtarësimit të Kosovës në organizatat ndërkombëtare, dhe respektimin reciprok të integritetit territorial dhe sovranitetit. Hill thotë se Serbia ka përmbushur një pjesë të mirë të marrëveshjes dhe shton se gjetja e mënyrës për anëtarësimin e Kosovës në organizatat ndërkombëtare është sfida kryesore.

“Serbia dhe serbët në Kosovë para së gjithash kujdesen për arsimin dhe kujdesin shëndetësor”, dhe se “përmes Asociacionit ata kanë të drejtë për këtë”.

Ambasadori amerikan thekson se qëllimi i Marrëveshjes së Ohrit është normalizimi i marrëdhënieve, duke e bërë që njerëzit të mendojnë për rritjen e cilësisë së jetës së tyre në vend të politikës kur kalojnë kufirin.

Në lidhje me Asociacionin e komunave me shumicë serbe në Kosovë, Hill vlerëson se Serbia ka të drejtë për një strukturë të tillë dhe thekson se nuk ka ngjashmëri me Bosnjë e Hercegovinën, siç e shohin disa në Kosovë.

Ambasadori gjithashtu vlerëson se Serbia dhe serbët në Kosovë kujdesen për arsimin dhe shëndetësinë, duke argumentuar se përmes Asociacionit kanë të drejtë për këto nevoja.

Marrëveshja për normalizimin e marrëdhënieve e obligon Kosovën të themelojë Asociacionin, duke u mundësuar serbëve një nivel të vetëmenaxhimit. Edhe pse Serbia nuk e nënshkroi aneksin për zbatimin e marrëveshjes, BE-ja vlerëson se është e detyrueshme për të dyja palët.