Ambasadori i Britanisë së Madhe në Shqipëri, Nicholas Abbott, ka realizuar një takim me kreun e Prokurorisë së Posaçme Kundër Korrupsionit dhe Krimit të Organizuar (SPAK), Altin Dumani. Gjatë këtij takimi, Ambasadori Abbott riktheu angazhimin e Mbretërisë së Bashkuar për të mbështetur SPAK-un, duke nënvizuar përpjekjet e këtij institucioni për forcimin e demokracisë shqiptare, veçanërisht në hetimin e krimeve zgjedhore.

Në njoftimin e ambasadës britanike, u theksua se, gjatë pesë viteve të funksionimit, SPAK ka arritur të bëhet një nga institucionet më të besuara në Shqipëri dhe është njohur ndërkombëtarisht për angazhimin e tij të palëkundur në luftën kundër korrupsionit dhe krimit të organizuar.

Mbretëria e Bashkuar vazhdon të mbetet një partner i fortë për SPAK-un dhe shpreh optimizëm për bashkëpunimin e mëtejshëm në vitin 2025.