Ambasadorja amerikane në Shqipëri, Yuri Kim, ka komentuar mesazhin e ambasadës e cila sot uroi të aplikantët e kualifikuar për në BKH që do të nisin trajnimin.
Yuri Kim dha sot një mesazh për Reformën në Drejtësi, duke u shprehur se ajo po ecën përpara edhe pse djemtë e këqij nuk e duan.Ambasadorja thekson gjithashtu se SPAK po vepron më shumë duke sekuestruar pasuri dhe duke vendosur pas hekurave kriminelët.
Ajo vlerëson edhe institucionet e tjera të reja të drejtësisë, për të cilët thotë se po funksionojnë dhe vijojnë punën.
“SPAK po procedon më shumë, duke kapur pasuri dhe duke vendosur kriminelët pas hekurave; Gjykata Kushtetuese po funksionon. Gjykata e Lartë është duke shqyrtuar raste. Vettingu vazhdon. Inspektorët e BKH po trajnohen. Reforma në Drejtësi nuk është e lehtë, e shpejtë ose e përsosur, por po ecën përpara – edhe nëse njerëzit e këqij nuk e duan atë, shkruan Kim.
