Ambasadorja amerikane në Tiranë, Yuri Kim, ka rishpërndarë në Twitter një njoftim të Komandës Evropiane të SHBA-ve, ku thuhet se një shtab pararojë i SOCEUR, do të ngrihet në Shqipëri me rotacion.

“Komanda e Operacioneve Speciale në Europë (SOCEUR) njoftoi se një shtab pararojë do të ngrihet në Shqipëri, me rotacion. Selia e re u bë e mundur falë mbështetjes së jashtëzakonshme të qeverisë shqiptare dhe Ministrisë së Mbrojtjes si pjesë e përpjekjeve të vazhdueshme për rritjen e aftësive të Forcave të Operacioneve Speciale, si një gur themeli për stabilitetin rajonal. “, thekson Yuri Kim.

Ndërkohë që në njoftimin e Komandës së Operacioneve në Evropë theksohet se: “Shqipëria mbetet një aleat i fortë dhe ne gëzojnë një marrëdhënie të fortë me qeverinë shqiptare dhe Ministrinë e Mbrojtjes, gjë që e bën vendosjen e një shtabi në kombin aleat një përshtatje të natyrshme”.