Ambasadorja e SHBA-ve në vendin tonë, Yuri Kim ishte në Rinas për të pritur grupin e parë të refugjatëve afganë, të cilët mbërritën në vendin tonë.

Ambasadorja Kim thekson se populli shqiptar edhe njëherë u ofron mikpritje dhe mbrojtje atyre në nevojë të madhe, e shton se SHBA-të janë krenare që kanë Shqipërinë mik dhe aleat.

Diplomatja amerikan ishte në orët e para të mëngjesit në Rinas, së bashku me ministren e Jashtme, Olta Xhaçka për të pritur grupin e parë prej 121 afganë, ku mes tyre ka edhe shumë fëmijë.

Sipas ministrisë së Jashtme, ky grup i parë do të strehohet në strukturat hoteliere në Durrës.

Postimi i Ambasadores Yuri Kim:

@xhacka_olta
& Unë mirëpritëm grupin e parë të afganëve që kërkonin strehim të përkohshëm në Shqipëri. Siç kanë bërë gjithmonë, populli i Shqipërisë edhe një herë u ofron mikpritje dhe mbrojtje atyre në nevojë më të madhe. Ne jemi krenarë t’ju quajmë një mik dhe aleat. Faleminderit.

Kujtojmë se Shqipëria do të mirëpresë rreth 4 mijë afganë. Sipas kryeministrit Edi Rama qëndrimi i tyre në vendin tonë do të jetë i përkohshëm, pasi ato do të zhvendosen përfundimisht në SHBA.