Anija e mallrave ‘Bergfjord’, me flamur shqiptar, është përplasur me shkëmbinjtë në zonën e Ksamilit, pasi pati probleme me sistemin e drejtimit. Anija, që transportonte skrap nga Shëngjini drejt Turqisë, është ankoruar në portin e marinës ‘Limion’ në Sarandë pas përplasjes.

Raportohet se anija ka pësuar çarje dhe është anuar në anën e majtë, por nuk ka të lënduar. Pas një defekti në manovër dhe mos funksionimi të sistemit të drejtimit të anijes, ‘Bergfjord’ u përplas me një masiv shkëmbor.

Nga ky moment dhe pas komunikimit me kapitenerinë e portit Sarandë, anija është udhëzuar për të hyrë në portin e marinës ‘Limion’. Gjatë komunikimeve, ekuipazhi nuk ka paraqitur probleme, dhe situata është vlerësuar nga ana e tyre.

Situata do të vlerësohet gjithashtu nga ana e KSHF Kontrolli Shtetëror i Flamurit për të vendosur vijueshmërinë e lundrimit të anijes.