Ilir Selmani, njohur ndryshe si “boksieri,” është dënuar me 28 vite burg për pjesëmarrje në vrasjen e ish-policit Santjago Malko. Malko u vra me një atentat mafioz më 27 gusht 2019, duke u qëlluar kur po dilte me makinë nga një lavazh në rrugën Xhanfize Keko.

Në vendin e ngjarjes, policia gjeti rreth 10 gëzhoja, ndërsa makina e përdorur nga atentatorët u gjet e djegur në fshatin Ferraj, rreth 6.5 kilometra larg vendit të vrasjes. Deri në vitin 2014, Malko kishte qenë polic, por më pas ishte larguar nga detyra.

Ilir Selmani është akuzuar për “Vrasje me paramendim,” “Mbajtje pa leje e armëve shpërthyese dhe municionit,” dhe “Vjedhje.” Dënimi me 28 vite burg tregon për seriozitetin e akuzave dhe dënimin që gjyqi ka vendosur në lidhje me këtë ngjarje kriminale.