Ardi Veliu ka dorëzuar këtë të enjte detyrën si Drejtor i Përgjithshëm i Policisë së Shtetit ku vendin e tij do ta zërë Gledis Nano.

Ardi Veliu ka dhënë sot mesazhin e fundit si kryepolic i Shqipërisë. Në ceremoninë e prezantimit të drejtorit të ri të Policisë së Shtetit, Veliu foli për punën e tij në polici, falënderoj kryeministrin, kolegët dhe tre ministrat, si dhe pati dhe një përgjigje për kritikët.

Ai u shpreh se pavarësisht se të verbuarit nga 20 fishimi i çmimit të kanabisit apo të shurdhuar nga kapja e 20 ton kokainë, duan të hedhin baltë mbi punën e efektivëve të policisë.

“Ka qenë një detyrë shumë e rëndësishme dhe jam përpjekur të bëjë më të mirën. Në 35 vitet e mia, jam brumosur dhe edukuar t’i shërbejë vendit tim. Çdo ditë të detyrës time, jam mbështetur në tre shtylla kryesore që kanë qenë çdo ditë në vlerësimin tim si ndershmëria, përkushtimi dhe humanizmi. Sot Policia e Shtetit është më mirë se dje. Falë kësaj pune, ju kolegë sëbashku përballuam sfidat e tërmetit të 2019, nga fillimi në fund. Sëbashku arritëm të menaxhonim qindra tubime, të cilat u shoqëruan me lëndime të 67 efektivëve. Jeni ju kolegë që sëbashku me mua arritëm të menaxhonim situatën e pandemisë. Jam krenar të dorëzoj detyrën si drejtor i Përgjithshëm i Policisë së Shtetit. Dua të falenderoj kryeministrin Rama, 3 ish-ministrat e brendshëm dhe falenderimi kryesor është për jut ë dashur kolegë.

Dua të falenderoj kryeministrin Rama, 3 ish-ministrat e brendshëm dhe falenderimi kryesor është për ju të dashur kolegë. Policia e Shtetit është shumë herë më e mirë se dje, pavarësisht se të verbuarit nga 20-fishimi i çmimit të kanabisit në vendin tonë apo të shurdhuar nga 1 ton kokainë e  bllokuar nga ju të dashur kolegë. kërkojnë të hedhin baltë mbi djersën tuaj. Falënderoj bashkëshorten dhe dy fëmijët, të cilët ma kanë bërë më të lehtë detyrën. Ju falenderoj pa masë për ndihmën që më keni dhënë dhe i uroj suksese drejtor Gledisit shumë fat”, tha ai.