Autoritetet greke kanë arrestuar dy shqiptarë pasi u kapën me një sasi të madhe të drogës në zonën e “Zografo” në Athinë. Mediat greke raportojnë se 38-vjecari Majkëll Muça nga Tepelena u kap me 150 pako hashash të peshës 15 kg dhe 230 gram. Ai dyshohet se e shiste drogën për llogari të 25-vjecarit Jonus Deliu nga Patosi.

Në një kontroll të kryer në një banesë në rrugën “Alekou Panagouli” nr.17 në “Zografo”, ku banonin dy shqiptarët, autoritetet gjetën dhe sekuestruan sasi të konsiderueshme të drogës. Konkretisht, u sekuestruan 70 pako hashash me peshë 7 kg dhe 30 gram, si dhe 63 pako marijuanë me peshë 65 kg dhe 387 gram. Gjithashtu u gjetën dhe sekuestruan 4 celularë, 200 euro dhe një peshore elektronike.

Brenda banesës janë gjetur dhe sekuestruar 70 pako me 7 kg 30 gram hashash çokollatë, 63 pako me 65 kg 387 gram marijuanë, 4 celularë dhe 200 euro. Është sekuestruar nga policia edhe 1 peshore elektronike. Në pranga është arritur të vendoset edhe 25 vjecari Deliu.