Policia e Shkodrës ka arrestuar një 24-vjeçar, i identifikuar si E. T., pas një tentative vjedhjeje në një banesë në rrugën “Çerçiz Topulli”. Sipas njoftimit të policisë, ai u kap në flagrancë brenda banesës, duke tentuar të kryente vjedhjen.

Pas marrjes së njoftimit për incidentin, shërbimet e Komisariatit të Policisë Shkodër kanë reaguar me shpejtësi dhe kanë arritur në vendngjarje. Gjatë kontrollit fizik, policia i ka gjetur 24-vjeçarit një kaçavidë, e cila u sekuestrua si provë.

Njoftimi i policisë:

U kap në flagrancë brenda banesës ku kishte hyrë për të vjedhur, arrestohet në flagrancë 24-vjeçari. Sekuestrohet një kaçavidë, që iu gjet 24-vjeçarit, gjatë kontrollit fizik. Shërbimet e Komisariatit të Policisë Shkodër, menjëherë pas marrjes së njoftimit se një shtetas ishte futur për të vjedhur në një banesë në rrugën “Çerçiz Topulli”, kanë organizuar punën dhe kanë shkuar në këtë adresë. Si rezultat i veprimeve të shpejta, shërbimet e Policisë kanë kapur në flagrancë brenda banesës, në tentativë për të vjedhur, shtetasin E. T., 24 vjeç, banues në Laç,Vau i Dejës.