Forcat e Posaçme “Shqiponja”, në bashkëpunim me Policinë e Shkodrës, kanë arrestuar një 28-vjeçar në fshatin Dobraç, i cili ishte shpallur në kërkim nga autoritetet. Ky shtetas, për të cilin Gjykata e Shkallës së Parë e Juridiksionit të Përgjithshëm Shkodër kishte caktuar masën e sigurisë “Arrest në burg”, dyshohet për kryerjen e veprave penale “Mbajtja pa leje dhe prodhimi i armëve, armëve shpërthyese dhe i municionit”, si dhe “Prishja e qetësisë publike”. Hetimet dhe veprimet e policisë vijojnë për zbardhjen e plotë të ngjarjes.