Një 32-vjeçar është arrestuar nga policia në Shirokë, pasi u kap me një sasi të dyshuar lënde narkotike me vete. Kapja e tij është pjesë e megaoperacionit ‘Tempulli 2’ që po vijon në mbarë vendin. Shërbimet e policisë gjetën 115 fara kanabisi në banesën e tij, të cilat ai i posedonte me qëllim shitjen. Lënda narkotike e gjetur në makinë dhe farat e kanabisit u sekuestruan në cilësinë e provës materiale dhe materialet proceduriale u dërguan te Prokuroria.
‘Në Shirokë, shërbimet e Patrullës së Përgjithshme kanë ndaluar për kontroll automjetin me të cilin qarkullonte shtetasi L. R. Gjatë kontrollit fizik ndaj këtij shtetasi, shërbimet e Policisë kanë gjetur një sasi lënde të dyshuar narkotike cannabis sativa.
Në vijim të veprimeve procdurale, gjatë kontrollit në banesën e tij, shërbimet e Policisë kanë gjetur një tjetër sasi lënde të dyshuar narkotike cannabis sativa dhe 115 fara cannabisi, të cilat i posedonte me qëllim shitjen’, thuhet në njoftimin e policisë.
Lënda narkotike e gjetur në makinë, farat e kanabisit si dhe një celular i 32-vjeçarit u sekuestruan në cilësinë e provës materiale. Ndërkohë materialet proceduriale i kanë kaluar Prokurorisë.
