Policia e Gjirokastrës ka arrestuar një person të shumëkërkuar, i cili ishte shpallur në kërkim. “Panorama.al” mëson se bëhet fjalë për Robert Gjonin 51 vjeç, banor i lagjes “Partizani”.

Aksioni për kapjen e tij është bërë në orët e vona të mbrëmjes së kaluar nga sektori i Krimeve në Komisariatin e Policisë Gjirokastër.

Gjoni rezulton autor i disa vjedhjeve banesash në qytet dhe për këtë ishte shpallur në kërkim policor.

Me herët 51-vjeçari është dënuar me burg për kultivim kanabisi dhe për vjedhje banesash.

Materialet i kanë kaluar organit të akuzës për veprime te mëtejshme.