Këngëtari i njohur Valon Shehu është arrestuar nga policia e Kosovës në rrugën “Gasper Karaqi” në Gjakovë pasi u kap me drogë. 34-vjeçari u vendos në pranga mbrëmjen e së premtes dhe fillimisht u ndalua nga uniformat blu për kontroll dhe verifikim, pasi kishte kryer kundërvajtje në rrugë. Por gjatë kontrollit, ish-banorit të BBV iu gjet një sasi droge e llojit kokainë. Droga është sekuestruar si provë materiale, ndërsa këngëtari është shoqëruar në komisariat për t’u marrë në pyetje.

Ndaj tij, Prokurori i Shtetit ka urdhëruar masën e ndalimit policor dhe inicimin e rastit për veprën penale “Posedim i paautorizuar i narkotikëve, substancave psikoterapie ose analoge”.

Valon Shehu ka qenë pjesë e Big Brother Vip 1, ku tërhoqi vëmendjen me deklaratat e tij brenda shtëpisë. Ai ishte i pari banor i BBV që ka dalë nudo para kamerave teksa është futur në dush i zhveshur.

Arrestimi i Valon Shehut ka ngjallur diskutime të shumta në rrjetet sociale dhe media. Fansat e tij dhe opinioni publik po ndjekin me interes zhvillimet e mëtejshme të këtij rasti. Nëse shpallet fajtor, Shehu përballet me pasojat ligjore të parashikuara për posedimin e paautorizuar të drogës.