Një i ri 29-vjeçar, Vasil Fisti, është arrestuar në qytetin e Vlorës nën akuzën për shpërndarje kokaine. Pas një hetimi të kryer nga shërbimet e Seksionit për Hetimin e Narkotikëve të DVP Vlorë, bazuar në informacione të siguruara nga inteligjenca policore, u realizua operacioni i koduar “Parts 35”.

Gjatë kontrollit të kryer në banesën e të riut në Fushë Dukat, policia gjeti dhe sekuestroi një sasi lënde narkotike të dyshuar kokainë, si dhe dhjetëra doza të gatshme për shitje.

Materialet procedurale i janë dorëzuar Prokurorisë pranë Gjykatës së Shkallës së Parë të Juridiksionit të Përgjithshëm në Vlorë për veprime të mëtejshme.