Policia e Tepelenës ka arrestuar një 48-vjeçar, V.B., banues në fshatin Lulëzim, Krahës, pas zbulimit të një sasie prej 2.4 kilogramë drogë në banesën e tij, e cila ishte përgatitur për shitje. Ky arrestim vjen si pjesë e megaoperacionit policor mbarëkombëtar “Tempulli”, i cili synon të godasë rastet e trafikimit dhe shitjes së lëndëve narkotike.

Seksioni për Hetimin e Narkotikëve në DVP Gjirokastër, në bashkëpunim me Komisariatin e Policisë Tepelenë, pas sigurimit të informacioneve mbi aktivitetin e 48-vjeçarit, ka organizuar operacionin që çoi në arrestimin e tij në flagrancë. Policia ka zbuluar dhe sekuestruar lëndën narkotike të tipit cannabis sativa, e cila dyshohet se do të shitej në qytetin e Memaliajt.

Materialet procedurale janë dorëzuar në Prokurorinë pranë Gjykatës së Shkallës së Parë të Gjirokastrës, për hetime të mëtejshme.