Policia e Këlcyrës ka arrestuar në flagrancë shtetasin Krenar Lilaj, 52 vjeç, për veprën penale “Mbajtia e armëve të zjarrit dhe municioneve luftarake”.

Pas një kontrolli të bazuar në inteligjencën policore, shërbimet e Policisë së Këlcyrës, në bashkëpunim me Komisariatin e Policisë Përmet, kanë ushtruar një kontroll në banesën e shtetasit K.L. në fshatin Toshkëz, Këlcyrë, ku dyshohej për armëmbajtje pa leje. Gjatë kontrollit, u gjet një armë zjarri kallashnikov me municion luftarak, që shtetasi e mbante pa leje.

Si pasojë, shtetasi K.L. u arrestua në flagrancë dhe u procedua për “Mbajtjen pa leje dhe prodhimin e armëve, armëve shpërthyese dhe municionit.”

Materialet procedurale i kaluan Prokurorisë pranë Gjykatës së Shkallës së Parë Gjirokastër për veprime të mëtejshme.