Një ngjarje e rëndë ka ndodhur sot rreth mesditës në një tren në Patra, ku një burrë i moshës së mesme dyshohet se ka ngacmuar seksualisht një vajzë të mitur.

Sipas raportimeve, të dy ndodheshin në të njëjtin tren, dhe autori ka kryer gjeste dhe propozime të turpshme në prani të dhjetëra pasagjerëve. Pas reagimit të menjëhershëm të pasagjerëve, Policia e Patras ndërhyri dhe e arrestoi autorin në vendngjarje.

Ndaj tij është ngritur padi për fyerje të dinjitetit seksual, dhe pritet të dalë përpara prokurorit kompetent për procedurat e mëtejshme ligjore.