Policia e Kosovës ka njoftuar se njësiti FAST ka arrestuar shtetasin turk E.S., i cili ishte i kërkuar përmes INTERPOL-it me një urdhër arrest ndërkombëtar të lëshuar nga Turqia.

E.S., i lindur në vitin 1981, dyshohet se ka qenë pjesë e një grupi të krimit të organizuar që përfitonte financiarisht nga rekrutimi i grave për t’i detyruar ato në prostitucion.

Arrestimi ka ndodhur më datën 19 mars 2025, rreth orës 14:30, nga zyrtarë policorë të Drejtorisë për Bashkëpunim Ndërkombëtar Policor. Pas arrestimit, E.S. është dërguar në ndalim policor për 48 orë me urdhër të prokurorit kujdestar, ndërkohë që do të vazhdojnë procedurat ligjore përkatëse.