Këto janë pamjet nga mbikalimi i Panajasë në Vlorë ku pas një atentati të mirëorganizuar kanë ndërruar jetë dy të rinj të cilët udhëtonin me automjetin tip “Ford”.

Siç shihet edhe nga pamjet, automjeti është qëlluar në breshëri nga plumbat e kallashnikovit. Ndërkohë që bëhet me dije se autorët kanë qenë dy persona të cilët kanë ndjekur gjatë gjithë kohës dy viktimat.

Pas sulmit me kallashnikov, makina tip “Ford” ka përfunduar në kanal dhe brenda saj, janë ende trupat e dy të rinjve të ekzekutuar. Po ashtu dyshohet se bëhet fjalë edhe për një tjetër person që ka mbetur i plagosur.

Në vendngjarje shihen forca të shumta të policisë, ndërkohë që është bllokuar qarkullimi në autostradë.