Një skandal i rëndë është zbuluar në Shqipëri, ku ujrat e zeza nga resorti i pronarit të Green Coast, Zamir Manës, po derdhen në detin e kristaltë mes plazhit të Palasës dhe Drimadhes. Ky është i vetmi vend ku turistët mund të shijojnë plazhin pa paguar shuma të majme. Pamjet e siguruara tregojnë qartë ndotjen e detit nga ujrat e zeza, duke shkatërruar kështu bukurinë natyrore të zonës dhe duke rrezikuar shëndetin e pushuesve.

Ky rast ngre pikëpyetje serioze mbi etikën dhe përgjegjshmërinë e investitorëve në Shqipëri, të cilët, megjithëse bëjnë investime të mëdha, shpesh dështojnë të respektojnë standardet ambientale. Shtrohet pyetja se si ndodhin këto shkelje dhe çfarë masa do të merren për të mbrojtur mjedisin dhe interesat e qytetarëve.

Në përpjekje për të minimizuar shqetësimet e publikut dhe për të mbrojtur imazhin e investitorëve, disa reagime ironike kanë qarkulluar, duke thënë se “ujrat e zeza janë si qumësht blete,” por kjo nuk e ndryshon faktin e ndotjes së rëndë dhe nevojën për ndërhyrje të menjëhershme nga autoritetet për të adresuar këtë problem.