E ftuar në “Fan Club”, Aulona Musta komentoi raportin mes Brikenës dhe Mateos në shtëpinë e “Big Brother VIP”. Sipas saj, ndërsa Mateo duket se ka ndjenja për Brikenën, kjo e fundit mund të ketë frikë për shkak të një historie jashtë reality show-it.
“Mateo po, mbase i është rindezur një shkëndijë që ka qenë e fikur. Por Brikena duket shumë e prerë dhe pas asaj që pa mbrëmë ka një lloj zhgënjimi, sepse Mateo ka nxjerrë shumë detaje,” u shpreh Musta.
Ajo shtoi se karakteri i Brikenës ka ngritur pikëpyetje për publikun, duke theksuar se ndonëse në fillim tha se nuk kishte pasur asnjëherë të dashur, më pas tregoi se kishte puthur më parë. “Për faktin që është paragjykuar, donte t’i ndryshonte mendjen publikut shqiptar. Në BBV është e pamundur të gënjesh gjatë,” përfundoi ajo.
