Autoritetet italiane kanë goditur një rrjet të trafikut të kokainës në një operacion të suksesshëm që u zhvillua mëngjesin e sotëm nga policia e Portoferraio-s. Në pranga kanë përfunduar katër persona, dy prej të cilëve janë shqiptarë dhe dy të tjerë italianë, të moshave nga 39 deri në 65 vjeç. Mediat vendase raportojnë se ky grup kriminal përbëhej nga 19 persona, ndërsa hetimet për aktivitetin e tyre kishin zgjatur për katër vjet. Sipas burimeve, kreu i këtij grupi rezulton të jetë një shtetas shqiptar.