Një aksident automobilistik i rëndë ka ndodhur pas mesnate në Tsikalaria të Hanias, Kretë, ku një 18-vjeçar shqiptar ka humbur jetën. Ngjarja ka ndodhur kur motorri, në të cilin udhëtonin dy të rinj, doli nga rruga dhe u përplas me një stacion autobusi. Si pasojë, pasagjeri i mjetit, një 18-vjeçar shqiptar, u plagos rëndë dhe ndërroi jetë. Ndërkohë, drejtuesi i motorrit mbeti i plagosur lehtë dhe po trajtohet në Spitalin e Hanias, ku ndodhet në gjendje shoku.