Një debat i ashpër ka shpërthyer mbrëmjen e kaluar në emisionin “Big Brother VIP Kosova”, ku Xuxi ka përmendur disa herë babain e ndjerë të Drenushës, duke e akuzuar se ka punuar për Serbinë dhe ka dënuar shqiptarët.

Xuxi, gjatë një bisede në shtëpi, tha: “Ai ka dënuar shqiptarët. Ne këta i kemi quajtur spiuna. Babai i saj është përmend se ka gjykuar shqiptarë. Ai ka dënuar me sistemin e Serbisë. Asnjë fëmijë nuk ka faj për të bëmat e prindërve të vet.”

Ky koment shkaktoi një reagim të ashpër nga Drenusha, e cila u përfshi në një konfrontim verbal me Xuxin. Ajo mohoi kategorikisht akuzat dhe sqaroi se ky informacion ishte shpërndarë nga ish-partneri i saj, Atilla.

Drenusha tha: “Xuxi ka përdorur testikujt e vetë për të folur për dikë që ka vdekur, sepse nuk mundet me të tjerët. Kur unë e kam bërë publike historinë me Atillën, ai me njerëzit e vetë e ka ndarë këtë histori. Babai im nuk ka dënuar politikanë. Atilla ka dashur të ma prishë imazhin familjar. Nëse keni prova se babai im ka dënuar politikanë shqiptarë, le të i nxjerrin.”

Ky shkëmbim i ashpër fjalësh ka tërhequr vëmendjen e publikut, duke shtuar tensionet mes banorëve të shtëpisë, të cilët shpesh janë të përfshirë në debate të ngjashme gjatë programit.