Një ngjarje e rëndë ka tronditur qytetin e Durrësit këtë mëngjes, ku një baba ka marrë peng dy fëmijët e tij në një shtëpi me qira. Forcat speciale RENEA ndërhynë për të shpëtuar fëmijët, por u përballën me të shtëna kallashnikovi nga babai, 40-vjeçari Aleks Marku.

Sipas raportimeve, policia dhe forcat RENEA arritën të shpëtonin fëmijët pas disa orësh negociata intensive, ndërsa babai u arrestua. Dyshohet se ai ka kryer këtë akt nën efektin e drogës, dhe hetimet po vazhdojnë për të zbardhur motivet e saktë të marrjes peng dhe kundërpërgjigjes me armë ndaj policisë.

Incidenti ndodhi në orët e para të mëngjesit, rreth orës 02:20, kur Policia e Durrësit mori njoftimin për të shtëna me armë zjarri në një apartament të lëshuar me qira pranë zonës së “Shkëmbit të Kavajës”. Pas ndërhyrjes së suksesshme, RENEA dhe policia arritën të shpëtonin fëmijët pa dëmtime dhe të arrestonin autorin e ngjarjes.