Kreu i Grupit Parlamentar Socialist Taulant Balla ka nxjerr edhe shifrat në lidhje me qytetarët të cilët i janë përgjigjur thirrjes së PS, për propozimet për presidentin e ri.

Balla zbuloi se deri në orën 8 të mëngjesit të sotëm, 132 qytetarë i janë përgjigjur thirjes së Partisë Socialiste për të propozuar emrin e një kandidati për President përmes e-mailit të PS-së.

Balla: Ky është një prosces që përbëhet nga duy etapa. Etapa e parë është ajo konsultative ndërkohë që etapa e dytë është ajo kushtetuese.

Jo më pak se 7 ditë nga mbledhja e Konferencës së Kryetarëve do të mbahet seanca e parë e zgjedhjes së Presidentit të republikës.

Në rast se brenda afateve do të ketë kandidatë që do të kenë mbledhur 20 firma do të shkojmë në raundin e parë. Duke llogaritur jo më shumë se 7 ditë do të shkojmë në raundin e dytë dhe më pas në raundin e tretë.

Kam njoftuar grupet parlamentare të opozitës të dakordësojmë këtë kalendar.

Kemi propozuar që data 29 prill të jetë data e mbledhjes së Konferencës së Kryetarëve. Brenda javës së parë pas datës 29 maj do të mbahet seanca e parë për zgjedhjen e presidentit të Republikës.

Dua t’ju njoftoj se pjesë e këtij procesi është dhe publiku. Eksperienca shembullore e Këshillimit Kombëtar, na ka dhënë leksionin e duhur për konsultimin me publikun në procesin legjislativ. Ne kemi njoftuar ditën e djeshme një adresë e-mailit, ku qytetarët mund të bëjnë propozimet e tyre.

Deri në orën 8 të mëngjesit kanë ardhur 132 e-mail-e nga qytetarët. Ky proces do të vijojë dhe javën tjetër.

Besoj se me kryetarët e grupeve të opozitës do të dakordësojmë dhe kalendarin. Të paktën mendoj se mund të biem dakord me kalendarin. Pastaj së bashku me komisionin që kemi ngritur mund të biem dakord dhe me kandidatin Ne me një traditë të re këtë legjislaturë, kemi konsultimin me shoqërinë civile. Ditën e nesërme kemi ftuar organizatat e shoqërisë civile, ku ato mund të vijnë me propozimet e tyre.