Nga foltorja e Kuvendit, Ministri i Brendshëm Taulant Balla u bëri thirrje deputetëve të Rithemelimit që të distancohen nga personat e shpallur ‘non grata,’ duke iu referuar ish-kryeministrit Sali Berisha. Balla theksoi rëndësinë e propozimeve që vijnë në rrugë zyrtare dhe jo përmes akteve të dhunshme.

Mesazhi për Opozitën

“Zonja dhe zotërinj deputetë, duke ju falenderuar për bashkëpunim, dua t’ju informoj se kemi marrë në konsideratë edhe propozimet që kanë ardhur nga opozita. Nëse ato vijnë në rrugë zyrtare dhe jo duke pushtuar foltoren. Distancohuni nga ata të cilët pushtojnë me dhunë foltoren dhe djegin goma dhe nga ata që janë shpallur ‘non grata’ nga SHBA,” deklaroi Balla.