Deputeti i Partisë Demokratike, Tritan Shehu, ka reaguar në lidhje me deklaratat e kryeministrit të Malit të Zi Dritan Abazoviç, i cili tha këtë të mërkurë se Ballkani i Hapur i ka dhënë vrull Procesit të Berlinit.

Në një reagim në ‘Facebook’ Shehu thekson se këto dy projekte janë diametralisht të kundërt.

Shehu thekson se Ballkani i Hapur nuk mund të njehsohet me Procesin e Berlinit, pasi nuk kemi të bëjmë me një konkurrencë të ndershme, por me dy projekte diametralisht të kundërta nga njëra tjetra.

Postimi i plotë

Abazovic mund te kete “te drejte” vetem ne nje kuptim, kur deklaron se “Ballkani i hapur” i dha vrull “Procesit te Berlinit!!

Vetem nqs ai nenkupton se “Ballkani i hapur” e qartesoi BE per rreziqet, qe po i ofronte Rajonit ai vete, per perpjekjet qe po beheshin per te konsoliduar hegjemonine ekonomike e politike te Serbise ne Rajon nepermjet tij.

Per perdorimin e tij si nje instrument percares midis vendeve tona, godites ndaj sovranitetit te Kosoves, thjesht destabilizues.

Dhe pa dyshim si nje zgjatim i Rusise ne Rajon nepermjet Serbise.

Elemente keto shume shqetesuese per Brukselin.

Duke e stimuluar keshtu ate te pershpejtoje Procesin e Berlinit, si mjeti kryesor cvleresues ndaj “Ballkanit te hapur”.

Ndryshe nuk mund te “perkthehen” deklarata te tilla, nqs duam t’i japim atyre nje kuptim e racionalitet!

Por sidoqofte ky “perkthim” behet i dyshimte po te lexosh me poshte ate qe Abazovic thote, qe eshte pikerkisht e kunderta e te vertetes:

“Ballkani i hapur” nuk e pengon Procesin e Berlinit duke e konsideruar kete si nje konkurrence te shendeteshme!!!

Nje analize kjo sikur ta bente zedhenesi i Vucic!

“Ballkani I hapur” e Procesi i Berlinit jane diametralisht larg njeri tjeterit.

Krahasimi i tyre eshte si te krahasosh “naten me diten”.