Sistemi i ri i pagave për punonjësit e OSHEE-së ka hyrë në fuqi këtë muaj, duke sjellë një rritje të konsiderueshme të pagave, veçanërisht për elektricistët e terrenit. OSHEE gjithashtu ka hapur thirrjen për 300 elektriçistë të rinj. Zëvendëskryeministrja Belinda Balluku, e cila gjithashtu është ministre e Energjitikës dhe Infrastrukturës, u ndal te paga e elektricistëve, duke njoftuar se tani paga e tyre do të jetë 70 mijë lekë dhe do të aplikohet edhe përvoja në punë për herë të parë.
Po futemi në një fazë të re, të rëndësishme që ka të bëjë me investime të qënësishme ne fushën e shpërndarjes së energjisë elektike.
Do i referohemi pagës së elektricistit që ka qenë meraku im kryesor, paga shkon në 70 mijë lekë, një ndryshim me 29%. Do të aplikohet për herë të parë edhe vjetërsia në punë.
Tani kemi 270 aplikime. Është e rëndësishme që këtyre djemve dhe vajzave tu jepet mbështetje maksimale”- u shpreh Balluku.
