Kreu i PD, Lulzim Basha në takimin me demokratët në Fier tha se në datën 8 janar me dhunën e ushtruar, ish kryeministri, Sali Berisha kishte kaluar vijën e kuqe.

Teksa tha se askush nuk mund të hynte me dhunë në selinë blu, Basha u kërkoi gjithashtu qytetarëve që ta mbështesnin në vazhdim dhe të mos hiqnin dorë nga shpresa.

Kreu i PD, Lulzim Basha: Në 8 janar u kalua një vijë e kuqe. Dhuna nuk është mjet i demokratëve. Nuk mund të detyrohen me dhunë demokratët. Përgjigjia jonë ka qenë dhe do jetë e fuqishme por brenda shtëpisë tonë askush nuk mund t’i mbivendoset dikujt tjetër.

Ju ftoj të gjithëve juve, dhe të gjithë demkkratëve me të cilët do takohem në vazhdim, le ta lëmë të shkuarën pas sepse kemi zgjedhur të ardhmen dhe kemi detyra të mëdha përpara. Ne duam që shumicës t’i kthejmë shpresën dhe t’i themi mos u dorëzoni për shkak të pakicës.