Një aksident rrugor ka ndodhur pak minuta më parë në zonën e Qafë-Plloçë, ku janë përfshirë tre kamionë dhe një fugon transporti udhëtarësh. Sipas informacionit paraprak, fatmirësisht nuk raportohet për lëndime serioze, megjithëse disa persona, përfshirë një nga drejtuesit e mjeteve, janë dërguar për kontrolle në Spitalin e Pogradecit.

Ngjarja ka shkaktuar dëme materiale dhe ka krijuar vështirësi në qarkullimin e automjeteve në këtë segment rrugor. Sipas raportimeve, një prej kamionëve transportonte lëndë djegëse, gjë që ka rritur rrezikun në vendngjarje.

Forcat e policisë ndodhen aktualisht në vendin e aksidentit dhe po punojnë për menaxhimin e situatës, ndërsa trafiku është devijuar përmes një bypass-i të improvizuar pranë një karburanti. Hetimet për zbardhjen e shkaqeve të aksidentit vazhdojnë.