Kreu i PD-së, Lulzim Basha, ka prezantuar programin elektoral të partisë. Sipas këtij programi, 5000 djem dhe vajza në grupmoshën 18-22 vjeç që angazhohen për 4 vite në ushtri do të paguhen si rezervistë deri në moshën 45 vjeçe.

“5000 djem dhe vajza të moshës 18-22 vjeç që angazhohen për 4 vite shërbim aktiv në forcat e armatosura, bashkë me trajnimin marrin një profesion ose diplomohen me shpenzimet e shtetit. Paguhen si rezervistë deri në moshën 45 vjeçe,” – thuhet në programin e PD-së.

Kreu i PD Lulzim Basha, gjatë prezantimit të programit elektoral pwr zgjedhjet e vitit 2025, foli për pikën ku përfshihen edhe ish të përndjekurit.

Basha tha se nw program parashikohet që Statusi i ish-të përndjekurve të jetë i barabartë me atë të ish-ushtarakut.

“Ata nuk janë thjeshtë një datë në kalendar. Ata janë emblema e qëndresës, edhe pse PD i ka përdorur e tradhtuar vazhdimisht në 34 vite. Kjo merr fund. Sot pjesë e programit është marrja përsipër e shpërblimit për të përndjekurit, statusi i ish-të përndjekurit, i barabartë me atë të ish-ushtarakut”, tha Basha.