Një situatë e debatueshme ka ndodhur në shtëpinë e spektaklit televiziv “BBVA4”, gjatë një loje të organizuar nga “Vëllai i Madh”. Loja përfshinte detyrën që banorët të puthnin njëri-tjetrin kur fillonte muzika, por një moment ka shkaktuar reagime të forta nga publiku.

Gjatë lojës, banorja Jozi është parë teksa tenton të puthë Loredanën, e cila dukshëm shfaq refuzim ndaj këtij veprimi. Kjo sjellje ka ngjallur shumë kritika në rrjetet sociale, me ndjekësit që e kanë dënuar veprimin si mungesë respekti për kufijtë personalë dhe pëlqimin e individit.

Incidenti ka ndezur diskutime mbi etikën dhe dinjitetin në programet televizive, duke vënë në pikëpyetje mënyrën se si trajtohen situatat delikate të tilla në një spektakël të ndjekur nga një publik i gjerë. Ende nuk dihet nëse produksioni do të marrë masa ndaj këtij veprimi.