Krerët e shtetit, Presidenti Bajram Begaj dhe Kryeministri Edi Rama, përcollën urimet e tyre për të gjithë besimtarët e krishterë në ditën e Krishtlindjes.
Presidenti Begaj u shpreh:
“Krishtlindje të gëzuara, plot shpresë e begati për të gjithë miqtë tanë të krishterë! Le të jetë kjo Krishtlindje burim paqeje dhe gëzimi, si dhe një mundësi për të kaluar çaste të lumtura me njerëzit tuaj më të dashur.”
Kryeministri Rama shtoi një urim me imazhin e frontespicit të veprës monumentale të Pjetër Bogdanit, “Çeta e Profetëve”:
“Dhe me këtë imazh të shkëputur nga frontespici i veprës monumentale të Pjetër Bogdanit, ‘Çeta e Profetëve’, ju uroj Gëzuar Krishtlindjen.”
