Drejtuesi politik i PD për Tiranën, Belind Këlliçi, ka reaguar sërish pas shtyrjes së seancës gjyqësore për shpifje mes tij dhe Carlo Bollinos.
Në një postim në rrjetet sociale, Këlliçi ngre disa pyetje publike për Bollinon, duke e lidhur vizitën e tij në Bashkinë e Tiranës me kryebashkiakun Erion Veliaj dhe çështjen e inceneratorëve.
Postimi i Këlliçit
“Disa pyetje publike për Carlo Bollinon”
Cila ishte arsyeja e vizitës tënde sot në selinë e 5D dhe inceneratorit Tiranë, që formalisht quhet Bashkia Tiranë, nga ora 11:34-12:52?
Gjatë kësaj kohe që ke qëndruar brenda ambienteve të bashkisë, a je takuar me kreun e 5D, Erion Veliaj?
Cila është arsyeja që, fill pas seancës sot në Gjykatën Penale Tiranë, ti shkove dhe u paraqite në Bashkinë Tiranë?
Këlliçi e ka quajtur Bashkinë e Tiranës një institucion të kapur nga korrupsioni dhe ka akuzuar Veliajn për lidhje me inceneratorët. Ai ka paralajmëruar se do të vazhdojë të denoncojë aferat që, sipas tij, po dëmtojnë interesin publik.
