Me anë të një videoje të publikuar në rrjetet sociale, Sali Berisha ka ironizuar kreun e grupit parlamentar të PS-së, Taulant Balla, si dhe zëvendëskryeministren Belinda Balluku, e cila është nën akuzë nga SPAK.

Në video shfaqet Taulant Balla në një festë duke kënduar këngën “Bella Ciao”, ndërsa Berisha e ka lidhur pamjen me zhvillimet e fundit politike dhe hetimet ndaj Ballukut, duke e shoqëruar ironinë me situatën e saj ligjore, në një kohë kur arresti i zëvendëskryeministres shihet si “në fije të perit”.

Reagimi i Berishës vjen në të njëjtën ditë kur Prokuroria e Posaçme (SPAK) i ka drejtuar Kuvendit një shkresë zyrtare, ku kërkon heqjen e imunitetit të Belinda Ballukut.

Ndërkohë, Këshilli i Mandateve pritet të mblidhet të premten për të shqyrtuar kërkesën e SPAK, duke vendosur nëse Balluku do t’i hapë rrugë drejtësisë apo do të vijojë të mbetet pjesë e mazhorancës dhe në krye të funksioneve qeveritare.