Policia e Beratit ka shpallur në kërkim dy vëllezër të dyshuar për një sulm me armë zjarri ndaj dy shtetasve në këtë qytet. Të kërkuarit janë identifikuar si Fatjon Maloku (36 vjeç) dhe Marko Maloku (35 vjeç), të dy banues në Durrës.

Ngjarja ndodhi kur dy vëllezërit dyshohet se qëlluan me armë zjarri nga një automjet në drejtim të shtetasve Antonio Merkaj dhe Apostol Dhëmbi (39 vjeç), të dy banues në Berat. Fatmirësisht, nga sulmi nuk pati persona të lënduar.

Sipas njoftimit zyrtar të Policisë së Beratit, kontrollet po vijojnë në bashkëpunim me DVP Durrës për kapjen e dy vëllezërve të shpallur në kërkim.

“Nën drejtimin e Prokurorisë, vijojnë hetimet intensive për dokumentimin e plotë ligjor të rastit. Materialet do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Berat për veprime të mëtejshme,” – thuhet në deklaratën e Policisë.

Hetimet janë ende në vazhdim për të zbardhur plotësisht motivet dhe rrethanat e ngjarjes.