Sali Berisha ka komentuar mundësinë e një skenari për bashkimin e votave të deputetëve demokratë që mbështesin Enkelejd Alibeajt dhe mazhorancës, për një nismë që shihet sikur ka qëllim të nxjerrë nga politika ish kryeministrin.

“Në politikë Sali Berisha nuk është as nga Edi Rama as nga kurrkush tjetër por nga këta qytetarë, nuk ka forcë në botë që të thyejë kontratën e Berishës me shqiptarët, kjo është gjithçka, nuk ka ligj që mund të dëmtojë atë kontratë, ajo është kontratë për Shqipërinë, për qytetarët.

Shkoj në vështirësi në Parlament sepse të shkosh aty dhe të shohësh një njeri që ka të paktën 60 vite burg për vjedhjet që ka bërë, është e vështirë. Por detyrohesh të shkosh.

Lëvizjet e mëdha do koordinohen me Partinë e Lirisë dhe me frontin për shpëtimin e Shqipërisë.

Ky front ishte ai që organizoi 7 korrik, do organizojë kryengriten, lëvizjen emadhe të shqiptarëve për shpëtimin e vendit.

PL vendos për protesta dhe kudo bëhen protesta i bëjmë thirrje qytetarëve të marrin pjesë. Protestë kanë thirrut qytetarët e Vlorës, të sjellësh përbindësh që emetojnë squfur, do të thotë ti helmosh dhe ti mbushësh ajrin me grimca kancerogjene është krim. Kanë mbështetje të plotë të PD derisa t’i përzenë.