Sali Berisha, nga qyteti i Shkodrës i ka bërë ftesë kandidatit të PS-së, Benet Becit, për të bërë një debat me Bardh Spahian dhe të japin llogari para qytetarëve shkodranë. I sigurt, ish-kryeministri thotë se as gjysma e fisit të Becëve nuk do ta votojnë kandidatin, që sipas Berishës ka bërë gabimin më të madh të jetës së tij duke kandiduar për Edi Ramën. Ai sjell këtu dhe daljen në shesh të kandidatit Benet Beci, i cili nuk u përfaqësua me ngjyrën mavi të PS-së, këtu Berisha na kujton përrallën e ujkut, i cili “bojosi” këmbën më miell për t’u dukur si “Mamadhia”.

Sali Berisha: Ftesa ime, Benet hajde këtu bashkë me Spahinë, dilni para qytetarëve dhe jepni llogari për çdo gjë, përgjigjuni të gjitha pyetjeve të qytetarëve. Me këtë dëshmon se ke përgjegjësinë ndaj qytetarëve. Shlyen deri diku një detyrim, sepse dy vjet në atë parlament nuk e shqipove një herë fjalën Shkodër dhe shkodran. Vetëm për këtë, Benet, kam bindjen se as gjysma e Becve nuk do të votojnë ty. Kandidimi yt për Ramën, është gabimi fatal i jetës sate. Shpirti yt e di, se çfarë të detyroi ty të bësh këtë gabim fatal. Di diçka dhe Tom Doshi për këtë detyrim. Shko tako Senadën, Namikun, znj,Hafizi, si u flakën si limon i shtrydhur. Benet edhe një herë të them ke bërë gabimin e jetës. Kishe vendosur ngjyrë tjetër, naiv u tregove, përralla e parë që nënat u tregojnë fëmijëve, është këmba e lyer me miell. Në çdo vend qeveritarët duhet të dalin para qytezave, për të dhënë llogari, por ty s’të lë Edi Rama. Po e ftoj në çdo takim, ikën-ikën. Si mund të vijë ai, që me firmën e tij, 430 mln euro janë shndërruar në ndërrmarje të tij dhe të Veliajt?!